Dr. Calvagna kien bniedem umli li ta ħajtu kollha lit-tfal morda u lill-ġenituri tagħhom li tant kien iħobb.

Għallimna kif inkunu ta’ servizz għall-oħrajn mingħajr ma nistennew xejn lura. Grazzi tal-eżempji sbieħ u l-valuri li rawwimt fina.

Ma ninsewk qatt u nibqgħu nħobbuk għal dejjem Kondoljanzi lil martu Carmen, uliedu Francesca u Rebecca, familjari u ħbieb kollha.

Il-ħajja tat-tabib maħbub Dr. Victor Calvagna ser tiġi ċċelebrata nhar l-Erbgħa 12 ta’ Jannar ġewwa l-Bażilika tal-Mosta fit-3.30pm.

Fiċ-ċirkustanzi li ninsabu fihom bħalissa, minħabba n-numri għoljin tal-COVID, l-organizzaturi qed jagħmlu ħilithom kollha sabiex il-funeral isir skont ir-regolamenti maħruġa mid-Dipartiment tas-Saħħa Pubblika.

Iċ-Ċelebrazzjoni ser tixxandar live permezz ta’ link li jidher fuq il-paġna tagħna dakinhar filgħodu (https://www.facebook.com/Puttinucares/).

Nifhmu li kulhadd jixtieq jippartecipa f'din ic-celebrazzjoni pero ser inkunu qed nahdmu b'numru limitat ta biljetti.

Nitolbukom tikkoperaw magħna u tifhmu s-sitwazzjoni, minkejja li nifhmu li ħafna jixtiequ jattendu għall-funeral.

Nixtiequ nirrispettaw ix-xewqa tal-familjari tieghu li fil-knisja ikun hemm ġabra ta' talb.

B’hekk l-ebda camera mhu ser tkun permessa waqt il-quddiesa ġewwa l-knisja.

Sors: Puttinu Cares